Bizi nahi baten soinu paisaia
Ahotsarekin eta kantuarekin lan egin dugu 2024-25 ikasturtean. Lehenik Ana Arsuagarekin, ondoren Ibon RGrekin.
Elkarrekin kantatzea, soinuak eta desioak ahoskatuz. Pozten gaituzten kantuak, bihotza uzkurtzen diguten ahotsak, soinu arraroak eta doinu zahar-berriak. Kantuz bizi nahia, barrutik eta kanporantz; baita jende gehiago gure kantura batzearena.
Inprobisazio gidatuarekin eta kondukzio orkestrarekin esperimentatu dugu. Ahotsak berotuz, partiturak sortuz, mapak kantatuz, elkar gidatuz. Nork esango liguke emojiak kantatu daitezkeela…!
