hasieran hirukote (jon andoni izurietarekin), ondoren hirukote (sendoa mirandarekin), eta azkenik bikote.

hasieran post-hardcore-edo, ondoren inpro-edo eta azkenik free-punk- edo-auskalo.

bi mila eta hamazazpian sortu ginen haize instrumentuetarako geuk sortutako partitura edo pieza esperimentalak gauzatzeko. gaur egun, hamahiru kideko fanfarria hiperbentilatu eta autorregulablea gara.
emanaldi bakoitzerako propio sortzen ditugu gure konposizioak.

tzesne, ima paralux eta eten taldearen arteko elkarlan bat dugu hau. eten bikoaren erritmoek, tzesneren itsas azpiko melodiek eta paraluxen bideolan hipnotikoek inprobisazioan oinarritutako esperientzia berezia osatzen dute.

asier maiah eta ibonrg dira tutu. lehenengoak gitarra darabil eta bigarrenak tronpeta eta bandoneoia. viva bazooka eta eten taldeetan oso bestelako musika egiten dutela esango du askok, baina tutuk talde horien intentsitateari eusten die.

izena ezin esplizituagoko free-inpro duoa

mirariz sortutako free-inpro duoa

hainbat eraginetatik edaten zuen zortzikotea zen le noise: post-rock, jazz, americana, alt-co, cinema-rock…

kafea eta galletak gustuko ditugun diskoak lagunartean entzuteko sortutako proiektu bat zen. hilean behin batzen ginen, gernikako gaztetxeko areto txiki batean hasieran eta astran ondoren, eta musika-talde batek aukeratutako diskoa entzuten genuen, kafea eta galletak dastatu bitartean. Horren ostean, diskoa aukeratu duen taldeak jotzen zuen. denborarekin, kafe aleak liburua argitaratu genuen, musikariak ez diren gure lagunek ere diskoa aukeratu eta horren gainean idazteko aukera izan zezaten.

ii

fri-inpri dii

reggae, dub sustraietatik abiatutako proiektua, inpriobisazioan oinarritua

ibonrg & maite arroitajauregi minimalismo eta inprobisazioaren uretan igerian dabilen bikotea dugu. alde batetik maite arroitajauregi (eibar, 1977) dugu, cello-jotzailea, azken urteetan hainbat proiektutan murgilduta egon dena (mursego, anari, lisabo, dantza, zinema…), eta bestetik ibon rodríguez (sestao, 1978), bandoneoia jotzen duena proiektu honetan.

inprobisazioa dute musika egiteko modu. eta beren tresnak honako hauek dira: ibonek bere ahotsaren aukerak arakatzen ditu: gurgur, gorgor, marmar, zurrumurru, garrasi, errezitatze dadaita, fonismo ulertezinak; miguelek casiotone manipulatu bat erabiltzen du, eta horren soinua deskribatzeko musika elektroakustikoa, 80etako teklatu horterak, elizako organoa edota lucio fulciren soinu banda ekartzen ditu gogora.
nahasketa horren emaitza musika bitxia da, sailkaezina eta aldi berean gozagarria, eta bertan uztartzen dira tentsiozko atmosferak, surrealismo absurdua, gizaki primitiboen musika, adult only noise eta r serieko zientzia fikzioa.

joseba eta xabiren proiektuari lotu nintzaion, kantuak behin grabatuta, haizeak sartzera. ander barriusoren ‘elektrika grabaketak’ estudioaren proiektua probatzea ere aitzakia ona zen.

nyc-tik bere arima nomada zabalduz ‘share’ gertaera euskal herrira heldu zen, ezagun edota ezezagunak inprobisatzen elkartzeko. buszemiko hiru partaideak aspaldiko ezagunak izanik ere, elkarrekin aritu gabeak ziren ordura arte

lokal/estudioko proiektua, hainbat proiektu gauzatzekoa: soinu bandak, dub, pop…

free-inpro duo, psikodelia, kasetismoa. ahots-inprobisazio gordineko bikoa.

drone didgeridooikoak, glotis kolpeak eta uluak.

bi eztarri eta bi mikro.

arantzak gara.

kontatu digute bi urtean behin arantzen manifestazio bat egiten dela arantzazu egunean, edo hori ulertu dugu guk behintzat. milaka Arantza imajinatzen ditugu pankarta ostean oihuka: “a-ran-tza, a-ran-tza, a-ran-tza”. “arantza da bide bakarra”. “jo ta ke arantzazu arte”.

gure lagun arantza epaitu behar zuten beste askorekin, gehiegirekin, bat ere gehiegi denean. zer egin eraman behar baziguten? nola eutsi arantzari gurean? askegune bat imajinatu genuen arantzazun, arantzen manifestazio baten ostean. milaka arantza irudikatu genituen desobeditzen, milaka arantza laguna babesten. lagunak zaintzea delako bide bakarra.

eramango ez dutela ospatzeko egin genuen fugaziren bertsio hau. zainketak eta elkartzeko gogoa ez direlako bukatzen absoluzio baten ostean, eta altxatzeko beharra ere ez. arantzazun edo donostian edo zarautzen edo iruñean edo bilbon edo aulestin, arantzak arantza zaindu eta berarekin bakarra ez den bideari ekiteko gogotsu gaudelako.

arantza lz / arantza rg / arantza fb

‘todo’ ikusentzunezko proiektu kolaboratiboa da.

arantza elejabeitiaren argazkiak, ausa eta ibonrg musika uztartzen dira bertan.

‘seps tows duo’ izenaren atzean mikel vega eta ibonrg sestaoarrak daude, biak ala biak bizkaiko zarata eta esperimentazioaren eszenan zailduak, bai killerkume, bai eten, bai hainbat konbotan.
miguel a. garcíaren ensenbleetan bat egin izan zuten aurretik, baina free-inpro proiektu hau sortu arte ez dira duo formatuan aritu.

egitasmoa 2010ean abiatu genuen butoh dantzarako musika inprobisatua egiteko elkarlanaren aitzakian.
geroztik egitasmoak aitzinera egin du aurrez-aurreko bikote bat izatera iritsi arte.
pdm zarata goxoa da: a kapela ahots epelez eta elektronika minimalista gordinez sukaldatutako inprobisazio lizuna.

2003an sortu zuten taldea diego eta raúl anaiek. folk amerikarrean inspiratua, baina era askean; beti fin eta beti aldakor.

2010ean lotu nintzaien, ‘Suburbia’ grabatzen eta ekoizten laguntzera eta geroztik lokalean eta zuzenean aritzen naiz haiekin.

KKORG musika fikziozko jolas bat da, eta euskal esperimentazioaren ohiko bi partaideren arteko kolaborazioa.

KORG-MS10 zahar bat zukutu eta soinuak ateratzean datza, epemuga baten barruan, harreran hartutako sintetizadore bat, etxeko berotasunean eskaerak hartzeko prestua.

KKOPU eta ibonRG, seinale elektrikoak gurtzen dituen praktika bat. lehengai bakar bat birpentsatzeko, birpasatzeko, modelatzeko, modulatzeko bi modu, elkarlan honetan baitan anonimo bihurtuak.

mundu psikotiko batean bizi gara.
eroak daude boterean. noiztik gara horretaz ziur?
noiztik dugu errealitate hori etsai ? eta…
zenbat gara jakinean?’

philip k. dick-en aipu horretatik abiatzen da itxaro borda, testu distopiko eta apokaliptiko honetan barneratzeko. plastikoaren kosmografia, lurraren amiltzea erabiliko ditu ahoan iragarle totelak. ibonrg musikaria du ondoan, irakurketa girotzen sintetizadore hotsez.

ARIMA GIZATIARRA ETA ARIMA GIZAGABEA
BEREZKOA DENA ETA ARROTZA DENA
MINERALEN ERREINUA ETA POSTGIZAKI TEKNOLOGIKOAK
BIZIRAUTEA ETA BIZITZA
GERRA ETA FESTA

terri florido ‘kakofunk’ eta ibonrg musikariek osatzen dute boz mineralis. parte hartzen duten gainontzeko talde eta kolekltiboetan hainbat tresna jotzen dituzte. hemen, ahotsa soilik.